Nënkryetari i Këshillit të Sigurimit të Rusisë, Dmitry Medvedev ka kërcënuar publikisht Ukrainën, se nëse qëndron pas sulmit ku vdiqën 40 persona në një sallë koncertesh dhe u plagosën 100 të tjerë, do të kundërpërgjigjen.
Në një mesazh në platformën Telegram, ish-presidenti rus, pasi shprehu ngushëllimet e tij për viktimat e sulmeve, ka vazhduar me një mesazh në të cilin është angazhuar për hakmarrje të ashpër, duke kërcënuar edhe me vdekje. “Terroristët e kuptojnë vetëm terrorin e reprezaljeve”, theksoi ai dhe premtoi se do t’i përgjigjet “vdekjes me vdekje”.
“Nëse vërtetohet se ata janë terroristë të regjimit të Kievit, të gjithë ata duhet të çmontohen pa mëshirë, përfshirë zyrtarët,” vuri në dukje ai. Ukraina, nga ana e saj, përmes këshilltarit të Volodymyr Zelenskiy, Mykhailo Podoliak, sqaroi se Kievi nuk ishte i përfshirë në incidentin e përgjakshëm. “Le të jemi të qartë, Ukraina nuk ka absolutisht asgjë të bëjë me këto ngjarje,” siguroi Telegram Podoliak, vendi i të cilit ka luftuar pushtimin rus për dy vjet. “Ukraina nuk ka përdorur kurrë metoda terroriste të luftës,” shtoi ai.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
