Presidenti i zgjedhur i SHBA-ve, Donald Trump ka zbardhur detaje nga diskutimet me Joe Biden gjatë takimit në Shtëpinë e Bardhë.
Për The Post, Trump u shpreh se takimi mes tij dhe Joe Biden ka qenë pozitiv.
“E dini, ka qenë një kohë e gjatë, ka qenë një vonesë e gjatë,” tha 78-vjeçari gjatë një interviste telefonike teksa po largohej nga Uashingtoni.
“Është bërë shumë punë nga të dyja palët dhe ai bëri një punë shumë të mirë në lidhje me fushatën dhe gjithçka tjetër. Ne patëm një takim vërtet të mirë.”
Dy presidentët e fundit të Shteteve të Bashkuara diskutuan për tranzicionin e pushtetit më 20 janar.
“Po shkon shumë mirë,” tha Trump për The Post për procesin e zgjedhjes së zyrtarëve për mandatin e tij të dytë, duke shtuar se ekipi republikan i tranzicionit dhe Shtëpia e Bardhë gëzojnë një “marrëdhënie shumë, shumë të mirë”.
