Dy zjarre të njëpasnjëshëm kanë rënë sot në Berat. Zjarri i parë u shfaq në lagjen “Uznovë e madhe” në dalje të qytetit të Beratit dhe i favorizuar nga era u shtri në një sipërfaqe të konsiderueshme. Pasi zjarri vu shpejt në kontroll nga zjarrfikësit,një tjetër zjarr i madh u shfaq në Malin Shpirag, zjarr ky që u shkaktua nga shkarkesa e një rrufeje.Në zonë shkuan shërbimet zjarrfikëse, me 8 efektivë dhe 3 mjete dhe në një kohë të shkurtër lokalizuan flakët dhe kryen fikjen e plotë të zjarrit. Si pasojë e zjarrit në malin Shpirag, zjarr që u shkaktua nga shkarkesa e një rrufeje, u dogj një sipërfaqe 300 m2 me shkurre e bimësi, ndërkohë që në lagjen “Uznovë e madhe”, ku zjarri ishte i qëllimshëm, u dogj një sipërfaqe rreth 600 m2 me shkurre e ferra.
Problematike situata është paraqitur në qytet,si pasojë e stuhisë së erës dhe shiut,që përfshiu qytetin rreth orës 20:15 të mbrëmjes së sotme. Stuhia u shoqërua me pemë e shtylla të rrëzuara dhe me bllokime rrugësh në disa zona ku pemët ranë në rrugë, siç kanë qenë rruga Spital-Uznovë, Kombinat-Dogana, Stadiumi i ri-Tregu Industrial etj.
Fatmirësisht, falë daljen në terren të të gjitha mjeteve zjarrfikëse dhe efektivëve të saj, situata u normalizuar shpjet, duke u mundësuar heqja e pemëve e zhbllokimet e rrugëve si dhe tërheqja e ujit nga rruga në disa zona në periferi të qytetit.
[embedded content]
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
