Trajneri i Partizanit, Orges Shehi, ka komentuar për “Panorama Sport”, shortin e Ligës së Konferencës që vendosi ekipin e tij në turin e parë përballë maltezëve të Marsashlok.

“Ne shpresonin që të binte në short një skuadër e një qyteti jo të largët. E donim edhe për shkak të kohës, sepse ka ndryshime orari të theksuara kur udhëton larg. Një arsye tjetër është fakti që skuadrat e vendeve të largëta janë në aktivitet në këto momente.

Sa i përket cilësisë, çdo skuadër meriton vlerësim maksimal dhe nuk mendoj se duhet ta shohim nga emri, por duhet ta vlerësojmë, sepse nuk dihet se çfarë na pret.

Këto ditë do ta shohim Marsashlok me imtësi për tu përgatitur sa më mirë. Është një tur europian dhe të gjitha skuadrat kanë kualitet”, tha Shehi.

DENIS LALA – PANORAMASPORT.AL

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co