![EKSKLUZIVE/ “Ti të më mbash nusen peng 4 vjet, t’i hash lekët”/ Video që efektivi Goxhara i bëri Kostës pasi e plagosi: Kështu e pëson kush hyn në familje 2 ekskluzive ti te me mbash nusen peng 4 vjet ti hash leket video qe efektivi goxhara i beri kostes pasi e plagosi keshtu e peson kush hyn ne familje](https://botasot.co/wp-content/uploads/2024/08/ekskluzive-ti-te-me-mbash-nusen-peng-4-vjet-ti-hash-leket-video-qe-efektivi-goxhara-i-beri-kostes-pasi-e-plagosi-keshtu-e-peson-kush-hyn-ne-familje.jpg)
Gazetari Igli Çelmeta ka siguruar për BalkanWeb videon që efektivi Erion Goxhara i ka bërë punonjësit të ERE-s Lorenc Kosta, menjëherë pasi e plagosi, duke e qëlluar me 5 plumba.
Në video dëgjohet se si efektivi akuzon Lorenc Kostën se ky është fati që meritojnë të gjithë ata që hyjnë në familjet e të tjerëve.
“Kështu e pësojnë të gjithë ata që u hyjnë njerëzve në hak, që u hynë në familje”, thotë ai.
Gjuha e përdorur në video është e rëndë ndërsa efektivi akuzon të plagosurin se po i mban peng prej katër vitesh bashkëshorten dhe “po i ha paratë e familjes”.
[embedded content]
“Kështu e pësojnë të gjithë ata që u hyjnë njerëzve në hak, që u hynë në familje! Ti të më mbash mua peng nusen për katër vjet, t’i hash lekët? Nuk e ha dot ti djersën e familjes time o k*rvë, nuk hyn dot ti në familjen time”, dëgjohet të thotë efektivi.
Kujtojmë se në dosjen hetimore thuhet se menjëherë pasi e filmoi, efektivi ia nisi videon kunatit të tij, vëllait të bashkëshortes, Marsel Seferi, efektiv i Forcave Operacionale të Policisë së Shtetit.
Ngjarja e rëndë ndodhi mesditën e të hënës së 19 gushtit në zonën e Komunës së Parisit në Tiranë.
Goxhara qëlloi me gjakftohtësi në drejtim të Kostës, duke e plagosur rëndë në pjesën e barkut dhe të gjymtyrëve.
Goxhara u vetëdorëzua në 21 gusht në Drejtorinë e Policisë së Tiranës.
“Nuk kam patur për qëllim ta vras”, është shprehur polici Erion Goxhara pas dorëzimit.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co