![Ekzekutimi mafioz në Frankfurt, përplasja mes klaneve kurde/ Historia nisi në Antalya 2 ekzekutimi mafioz ne frankfurt perplasja mes klaneve kurde historia nisi ne antalya](https://botasot.co/wp-content/uploads/2024/08/ekzekutimi-mafioz-ne-frankfurt-perplasja-mes-klaneve-kurde-historia-nisi-ne-antalya.jpg)
Prokuroria publike ende nuk ka zbardhur motivin e të shtënave fatale në Frankfurt. Por sipas mediave turke, ngjarja ku mbeti viktimë një 27-vjeçar është një histori krimi që ka nisur mbi 8 vjet më parë.
Pas të shtënave fatale në Stacionin Qendror të Frankfurtit, i dyshuari ende nuk ka komentuar mbi akuzat, tha të enjten zëdhënësi i prokurorisë publike të Frankfurtit, Dominik Mies.
Megjithatë, sipas mediave turke, motivi i vrasësit ka të ngjarë të lidhet me një grindje të përgjakshme që filloi në Turqi në vitin 2016.
27-vjeçari që u qëllua në Frankfurt mbrëmjen e së martës, thuhet se është përgjegjës për vdekjen e një personi. Sipas portalit kurd “Rudaw.net” dhe gazetës turke “Sabah”, i riu mësohet të ketë qëlluar në maj një biznesmen nga Antalia, të cilin e kishte fajësuar për vrasjen e vëllait të tij në vitin 2016.
Pas krimit, 27-vjeçari është arratisur në Gjermani. Në Gjermani, xhaxhai i biznesmenit të vrarë nga Ankaraja më në fund i ka rënë në gjurmë dhe e ka qëlluar në Stacionin Qendror të Frankfurtit.
Sipas gazetës “Bild”, i dyshuari 54-vjeçar drejton një snack bar në Pyllin e Zi dhe ka leje qëndrimi në Gjermani.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co