![EMRAT/ Organizim i paligjshëm i lojërave të fatit, dy në pranga në Lezhë, e pëson edhe pronari i lokalit 2 emrat organizim i paligjshem i lojerave te fatit dy ne pranga ne lezhe e peson edhe pronari i lokalit](https://botasot.co/wp-content/uploads/2024/08/emrat-organizim-i-paligjshem-i-lojerave-te-fatit-dy-ne-pranga-ne-lezhe-e-peson-edhe-pronari-i-lokalit.jpg)
DVP Lezhë/Finalizohet operacioni policor i koduar “Forbidden”.
Kishte përshtatur lokalin e marrë me qira në Laç, me 8 makineta, 18 kompjuterë dhe celularë, për organizim të kundërligjshëm të lojërave të fatit, arrestohet 35-vjeçari.
Në pranga dhe 1 shtetas që u kap duke luajtur në lokal.
Procedohet në gjendje të lirë, pronari i ambientit.
Policia ka sekuestruar pajisjet dhe një shumë parash, që i shërbenin kësaj veprimtarie të kundërligjshme.
Si rezultat i administrimit të menjëhershëm të informacioneve të siguruara nga inteligjenca policore, se në një lokal në lagjen nr. 4, Laç, luheshin lojëra fati, me pajisje të ndryshme, Seksioni i Hetimit të Krimit Ekonomik, në bashkëpunim me Seksionin për Mbështetjen Operacionale të Hetimit dhe me Forcën e Posaçme “Shqiponja”, të Drejtorisë Vendore të Policisë Lezhë, finalizuan operacionin policor të koduar “Forbidden”.
Gjatë ndërhyrjes në ambientet e lokalit, në kuadër të këtij operacioni, u vunë në pranga qiramarrësi i lokalit, shtetasi Endrit Menga, 35 vjeç dhe shtetasi Xhulio Vela, 31 vjeç, i cili u kap në flagrancë, duke luajtur lojëra fati, në këtë ambient. Në vijim të operacionit nisi procedimi në gjendje të lirë për pronarin e lokalit, shtetasin P. L., 66 vjeç.
Materialet procedurale i kaluan Prokurorisë, për veprime të mëtejshme.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co