Komisioni i Etikës dhe Disiplinës në UEFA vendosi të gjobisë për herë të tretë Federatën Shqiptare të Futbollit me vlerën 86,500 euro për incidentet e ndodhura në ndeshjen e raundit të tretë në finalet e Kampionatit Europian “Gjermani 2024” kundër Spanjës, që u luajt mbrëmjen e së hënës në stadiumin e Dyseldorfit.
![Euro 2024/ Incidentet nga tifozët në ndeshjen Shqipëri – Spanjë, UEFA gjobit FSHF-në me 86.500 euro 2 DUSSELDORF, GERMANY - JUNE 24: A general view is pictured during the UEFA EURO 2024 group stage match between Albania and Spain at Düsseldorf Arena on June 24, 2024 in Dusseldorf, Germany. (Photo by Andreas Rentz - UEFA/UEFA via Getty Images)](https://botasot.co/wp-content/uploads/2024/06/euro-2024-incidentet-nga-tifozet-ne-ndeshjen-shqiperi-spanje-uefa-gjobit-fshf-ne-me-86-500-euro.jpg)
Ky penalizim financiar ka ardhur edhe këtë herë nga problematikat e shkaktuara nga disa tifozë shqiptarë, të cilët kanë hedhur objekte në fushën e lojës, kanë transmetuar mesazhe të papërshtatshme, kanë ndezur flakadanë gjatë ndeshjes, por edhe për ndërprerjen e ndeshjes nga një tifoz gjatë zhvillimit të lojës.
Vendimet e plota të Komisionit të Etikës dhe Disiplinës në UEFA:
- Të gjobisë Federatën Shqiptare të Futbollit me 8,500 euro për ndezjen e flakadanëve.
- Të gjobisë Federatën Shqiptare të Futbollit me 25.000 euro për transmetim e mesazheve të papërshtatshme për një ngjarje sportive.
- Të gjobisë Federatën Shqiptare të Futbollit me 45,000 euro për hedhjen e sendeve.
- Të gjobisë Federatën Shqiptare të Futbollit me 8,000 euro për pushtimin e fushës.
Kjo është gjoba e tretë që UEFA i vendos FSHF-së, teksa është gjobitur edhe në dy ndeshjet e raundeve të para në Europian, ndaj Italisë (37,375 euro) dhe Kroacisë (47.500 euro), po për të njëjtat arsye.
Burimi informacionit @Panorama.al: Lexo me shume ne :bota sot www.botasot.co