Qindra fermerë u përleshën me policinë në qytetin spanjoll të Zaragoza teksa ata u përpoqën të futeshin në Pallatin La Aljafería, ku po zhvillohej një mbledhje e qeverisë.

Sindikata e policisë lokale denoncoi “dhunën”, duke thënë se tre policë u plagosën. Pasi policia u përgjigj duke goditur protestuesit me shkopinj, një protestues u dërgua me urgjencë në spital.

Protesta u organizua nga fermerët në rrjetet sociale dhe nuk kishte lidhje me një nga tre sindikatat që kanë bërë thirrje për greva të vazhdueshme mbarëkombëtare.

Protestat nuk kanë pushuar në Spanjë gjatë muajit të kaluar. Këtë javë, fermerët bllokuan gjithashtu rrugën kryesore AP-7 që lidh Francën dhe Spanjën në Katalonjë.

Në Katalonjë, ku disa rrugë u bllokuan për ditë të tëra, qeveria ra dakord të riorganizojë Ministrinë e Veprimit për Klimën dhe të studiojë ndryshimin e emrit të saj në Ministrinë e Veprimit Klimatik, Bujqësisë, Blegtorisë dhe Peshkimit.

Gjithashtu ra dakord të shikojë riorganizimin e agjencisë së ujit dhe më shumë ndihmë për prodhuesit ku ujitja është ndaluar për shkak të thatësirës.

Në nivel evropian, ministrat e bujqësisë u takuan gjithashtu në Bruksel dhe ranë dakord për një paketë për të adresuar shqetësimet në politikën e përbashkët bujqësore të bllokut.

Në nivel kombëtar, sindikatat u takuan gjithashtu me Ministrin e Bujqësisë të Spanjës Luis Planas. Takimi, megjithatë, nuk çoi në ndonjë marrëveshje që mund t’i jepte fund protestave.

Qeveria dhe sindikatat do të ndërpresin negociatat për rreth një javë për të reflektuar mbi kërkesat dhe lëshimet e tyre, u tha Planas gazetarëve.

Burimi informacionit @BalkanWeb: Lexo me shume ne : Bota Sot News botasot.co