Ndërkohë që lufta ka hyrë në ditën e 956, Ukraina dhe aleatët e saj me sa duket po vlerësojnë një kompromis të mundshëm që përfshin “hyrjen e Kievit në NATO në këmbim të disa territoreve të pushtuara nga Rusia”.
Kështu raporton Financial Times, e cila shkruan se “nuk ka konsensus në Këshillin e BE-së për një zgjatje kohore në rinovimin e sanksioneve ndaj aseteve të Bankës Qendrore Ruse”.
Marrëveshja është thelbësore për të siguruar që SHBA të marrë pjesë me një shumë prej 20 miliardë dollarësh në huanë për Ukrainën e vendosur në kuadër të G7, por kjo kundërshtohet nga Hungaria.
Gjatë vizitës së tij në Kiev, Sekretari i Përgjithshëm i NATO-s Mark Rutte bëri të ditur se ishte pro hyrjes së Ukrainës në Paktin Atlantik.
Ndërkohë Volodymyr Zelensky ka kërkuar dërgimin e armëve me rreze të gjatë: “Pa mjete të caktuara dhe mundësinë e përdorimit të tyre, ne nuk mund ta ndalojmë Rusinë”.
