![Fjalimi i Netanyahut/ Presidenti turk, Erdogan: E gjithë bota e shikoi si një vrasës gjenocidal, ai u duartrokit në Kongresin Amerikan 2 fjalimi i netanyahut presidenti turk erdogan e gjithe bota e shikoi si nje vrases gjenocidal ai u duartrokit ne kongresin amerikan](https://botasot.co/wp-content/uploads/2024/07/fjalimi-i-netanyahut-presidenti-turk-erdogan-e-gjithe-bota-e-shikoi-si-nje-vrases-gjenocidal-ai-u-duartrokit-ne-kongresin-amerikan.webp)
Presidenti turk Recep Tayyip Erdogan ka shprehur indinjatën ndaj Kongresit të Shteteve të Bashkuara për duartrokitjen e fjalimit të kryeministrit izraelit Benjamin Netanyahu, të cilin e përshkroi si “plot delirium”.
“E gjithë bota pa një vrasës gjenocidal të duartrokitur në Kongresin e SHBA-së. Mendoni për ata që vranë pothuajse 40 mijë fëmijë, gra dhe të moshuar. Dhoma e Përfaqësuesve i duartroket”, ka thënë Erdogan.
Sipas Erdoganit, bota po përballet me humbje të arsyes pasi Kongresi pret “kasapin që ka gjakun e 150 mijë banorëve të Gazës në duart e tij”.
Izraeli është akuzuar për gjenocid përpara Gjykatës Ndërkombëtare të Drejtësisë (ICJ), e cila në vendimin e saj të fundit urdhëroi Tel Avivin të ndalonte menjëherë ofensivën ushtarake në Rafah në Gazën jugore, ku më parë kishin kërkuar strehim më shumë se 1 milion palestinezë.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co