Eksperti i Sigurisë Bedri Elezi, në një lidhje skype në News24, ka folur në lidhje me situatën e sigurisë në Veriun e Kosovës.

Ai shpreh se çështjet e brendshme nuk duhet të diskutohen në Bruksel, referuar deklaratës së zyrtarit të NATO-s që deklaroi se hapja e Urës së Ibrit duhet të trajtohet në dialogun e ndërmjetësuar nga BE, pasi është çështje politike jo e sigurisë.

“Në të kaluarën kemi deklaruar se Kosova është e ekspozuar në një situatë të rëndë të sigurisë nga Serbia. Ka pasur veprime jo të duhura edhe nga institucionet e Kosovës, që janë konsideruar mjete që justifikojnë dhunën e serbëve lokalë që mbështeten nga Beogradi dhe Moska. Çështjet e brendshme nuk duhet të diskutohen në Bruksel”, tha ai.

Elezi foli edhe në lidhje me situatën e krijuar me mungesën e ushqimit në Forcat e Sigurisë së Kosovës.

Ai tha se një situatë e tillë me shumë mundësi nuk është krijuar nga neglizhenca, por si pasojë e një sabotazh nga agjenturat e huaja.

“Komandanti i Përgjithshëm i çoi një ministrit për problemet me ushqimin Janë duke shqyrtuar pezullimin e aktivitetet derisa të sigurohet buka. Dyshoj se persona të caktuar mund të jenë duke i shërbyer të huajve për të dekurajuar FSK që janë garancia më e madhe e sigurisë së Kosovës. Agjenturat e huaja kanë penetruar në këto institucion që të cënojnë sigurinë. Duhet hetim nëse kjo ka ndodhur për neglizhencë apo për shkak të spiunazheve të huaja”, tha Elezi.

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co