![FOTO/ Plagosi Lorenc Kostën, pamjet e efektivit Erjon Goxhara në ‘kafazin’ prej xhami! Ja çfarë ka kërkuar prokuroria 2 foto plagosi lorenc kosten pamjet e efektivit erjon goxhara ne kafazin prej xhami ja cfare ka kerkuar prokuroria](https://botasot.co/wp-content/uploads/2024/08/foto-plagosi-lorenc-kosten-pamjet-e-efektivit-erjon-goxhara-ne-kafazin-prej-xhami-ja-cfare-ka-kerkuar-prokuroria.jpg)
Ka dalë sot në gjykatën e Tiranës efektivi Erjon Goxhara, i cili plagosi Lorenc Kostën me 19 gusht, pasi bashkëshortja e tij kishte një lidhje intime me të.
Prokuroria ka kërkuar arrest me burg për efektivin Goxhara, i cili akuzohet për vrasje me paramendim e mbetur në tentative.
DESHMIA E POLICIT
Në dëshminë e tij pas dorëzimit në polici, efektivi Erjon Goxhara ka deklaruar se nuk ka pasur qëllim që të vriste Lorenc Kostën, të cilin e plagosi me 6 plumba. Sipas efektivit, plagosjen nuk e ka bërë me paramendim, por ai ka treguar të gjithë lëvizjet e tij deri në aktin e rëndë.
Goxhara rrëfen se ka qenë me vajzën e tij në momentin që ka parë Lorenc Kostën dhe pasi e ka larguar të bijën është rikthyer sërish në atë zonë, ku e ka qëlluar me armën e shërbimit.
“Nuk kam dashur ta vras Lorenc Kostën dhe e kam parë rastësisht në zonën e “Komunës së Parisit” pasi kam qenë me vajzën time në një lokal në atë zonë. Pasi kam larguar vajzën jam kthyer sërish te “Komuna e Parisit” dhe e kam qëlluar Kostën me armën e shërbimit të cilën e kisha me vete. Deklaroj se nuk e kam bërë me paramendim plagosjen e Kostës”, ka treguar Goxhara.
NGJARJA DHE HETIMET
Ngjarja e rëndë ndodhi mesditën e 19 gushtit në një zonë të populluar të Tiranës. Para se të plagoste Lorenc Kostën, efektivi kishte zhvilluar një takim me bashkëshorten dhe nipin e tij, L.B. në një qendër tregtare.
Gjatë këtij takimi, në dosje thuhet se gruaja ka pranuar tradhtinë, por nuk ka pranuar që t’i kërkojë ndjesë efektivit Goxhara. Sipas saj, tradhtia ka ndodhur vetëm një herë. Të njëjtën ditë, Goxhara pasi përfundon këtë bisedë, zhvendoset pranë lagjes ku jetonte dhe ka plagosur Lorenc Kostën, i cili po ashtu jetonte në atë zonë. Pasi e la të mbuluar me gjak, e filmoi atë çfarë bëri dhe videon ia dërgon të plagosurit në telefon: “Mëso të mos futesh më në shtëpitë e të tjerëve dhe të hash djersën e tyre”.
I plagosuri, aktualisht është jashtë rrezikut për jetën. Në deklarimet e dhëna para oficerëve të Policisë Gjyqësore në prezencë të psikologut, djali efektivit ka konfirmuar konfliktet mes prindërve të tij që nga mesi i korrikut, kohë kur sipas tij, e ëma pranon dyshimet e Goxharës për lidhjen jashtëmartesore me Kostën. Ndaj Erjon Goxharës rëndon akuza e vrasjes me paramendim të mbetur në tentativë. Ai pritet të dalë ditën e sotme para Gjykatës së Tiranës, ku edhe do të njihet me masën e sigurimit personal.
DOREZIMI
Pas më shumë se 48 orësh në arrati, efektivi i policisë, Erjon Goxhara, i cili plagosi me 6 plumba inxhinierin e ERE, Lorenc Kostën te zona e ‘Komunës së Parisit’ në kryeqytet, është vetëdorëzuar në polici.
Efektivi, tashmë i shkarkuar nga detyra, kishte edhe armën e shërbimit me të cilën kreu veprën penale. 46- vjeçari qëlloi në pjesën e poshtme të trupit inxhinierin e ERE, pasi ky i fundit kishte lidhje me gruan e efektivit.
“Në vijim të informacionit të dhënë më datë 19.08.2024, për ngjarjen e ndodhur në afërsi të një marketi në rrugën ‘Tish Daija’, sot rreth orës 17:00 është vetëdorëzuar në Drejtorinë Vendore të Policisë Tiranë, së bashku me armën e shërbimit me të cilën ka kryer veprën penale, shtetasi Erjon Goxhara, 46 vjeç. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme”, – njofton polica.
Djali i policit i tregoi policisë se e kishte takuar të atin dhe se në bisedën që kishte pasur me të ai, ka qenë shumë i tronditur. Po ashtu kanë qenë të shumtë miqtë dhe kolegët që e kanë telefonuar që ai të dorëzohej, ndonëse djalit iu kishte betuar se nuk do ta bënte një akt të tillë. Efektivi tani do të jetë nën tri akuza të rënda.
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co