Mbase jo të gjithë e mbajnë mend, por eksperienca e parë e Jose Mourinho-s si trajneri i parë ka qenë në krye të Benfikës, në vitin 2000, pasi mori mësimet e duhura te Barcelona. Pas largimit të tij nga Roma, Mourinho ka marrë më shumë kohë për të vendosur në lidhje me të ardhmen e tij, por emri i fundit që del në skenë bën jo pak zhurmë, pasi “Speciali” po mendon një rikthim pikërisht aty ku e nisi, në krye të Benfikës.

Sipas mediave portugeze: Mou është shumë pranë një rikthimi në krye të Benfikës. Në këtë rast ka vetëm një kusht, portugezi do të marrë drejtimin e ekipit vetëm nëse trajneri aktual, Roger Schmidt do të largohet nga Benfika në fund të këtij sezoni. Opsioni i fundit nuk përjashtohet, pra largimi i teknikut gjerman, pasi Benfika ndodhet katër pikë larg vendit të parë, nëse zhgënjejnë edhe në Europa League, atëherë shkarkimi i tij është një opsion konkret.

Sigurisht nga këtu e deri në përfundim të sezonit, rreth Mourinho-s do të dëgjojmë shumë pasi janë disa pankina të rëndësishme që në fund të këtij sezoni do të ndryshojnë trajnerë.

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co