Ushtria izraelite (IDF) deklaroi se kishte gjetur prova të fluksit të parave midis Iranit dhe organizatës islamike Hamas në sistemin e gjerë të tuneleve nën Rripin e Gazës.

Zëdhënësi i IDF-së, Daniel Hagari tha se ”ushtarët izraelitë kishin zbuluar dokumente që vërtetonin transferime në vlerë prej më shumë se 150 milionë dollarësh nga Irani në Hamas dhe udhëheqësin e tij në Rripin e Gazës, Yehya al-Sinwar, nga viti 2014 deri në vitin 2020”.

Ushtria publikoi ​​fotografi të disa dokumenteve si dhe foto të zarfeve të parave cash.

“Ky është një shembull tjetër se si Irani eksporton terror në të gjithë Lindjen e Mesme. Terrori që Irani eksporton dhe prodhon është një problem global”, thuhej në deklaratën e Hagarit.

Izraeli ka qenë armiku i betuar i Iranit që nga revolucioni islamik i vitit 1979. Së bashku me milicitë e tjera si Hezbollahu në Liban dhe rebelët Houthi në Jemen, Hamasi është pjesë e të ashtuquajturit “Aksi i Rezistencës”, një rrjet grupesh që luftojnë kundër Izraeli se ata marrin mbështetje financiare dhe materiale nga Teherani.

Burimi informacionit @BalkanWeb: Lexo me shume ne : Bota Sot News botasot.co