FOTOLAJM/ “Ç’u bë me Betimin e Hipokratit!”- Pamje nga protesta para Ministrisë së Shëndetësisë për skandalit te Onkologjiku

Dhjetëra qytetarët janë mbledhur pasditen e sotme në shenjë proteste para Ministrisë së Shëndetësisë, pas skandalit në repartin Onkologjik pranë QSUT-së, ku u zbulua nga hetimet e prokurorisë se pacientëve të diagnostikuar me tumor nuk u jepej trajtimi i duhur mjekësor dhe më pas drejtoheshin në klinika private.

“Ç’u bë me Betimin e Hipokratit”, ishte një prej pankartave që mbanin në duar qytetarët para ministrisë, ndërsa kanë bërë thirrje që hetimet për këtë rast të vazhdojnë.

Nga hetimet gjithashtu janë konstatuar raste të blerjes së ilaçeve me vlera të konsiderueshme për kimioterapi, nga farmaci të cilat këto medikamente i tregtonin pa pullën fiskale dhe me kod të prishur, duke krijuar dyshimin në lidhje me autenticitetin e këtyre barnave.

Në skemën abuzive, sipas prokurorisë Tiranë, janë përfshirë funksionarë dhe mjekë, ndërsa të martën u lëshuan disa masa sigurimi personal me “arrest shtëpie” dhe “detyrim paraqitjeje” për ta.