Franca dhe Belgjika nuk “ndezin” në pjesën e parë, barazim pa gola

Franca dhe Belgjika barazuan pa gola në pjesën e parë (Euro 2024).

Fillimi i ndeshjes ishte i qetë, me të dyja skuadrat që u kujdesën shumë në prapavijë. Me kalimin e minutave, “gjelat”  nisën të dalin në lojën e tyre, duke iu afruar disi portës së mbrojtur nga Casteels. Në mesin e fraksionit, De Bruyne vendosi në provë Maignan, i cili u përgjigj mjaft mirë në apel.

Të besuarit e Tedescos reklamuan penallti për një prekje me dorë  në zonë, por pas një verifikimi me VAR, arbitri suedez Nyberg vijoi normalisht lojën. Djemtë e Deschamps “flirtuan” me golin e epërsisë në të 33-tën, Thuram nuk u koordinua si duhet me kokë.

(J.S/BalkanWeb)

Burimi informacionit @BalkanWeb: Lexo me shume ne : Bota Sot News botasot.co