Sali Berisha solli në vëmendje abuzimet me fondet e Bashkimit Evropian për bujqësinë, në kohën kur ministre ishte Frida Krifca.
Gjatë takimit me banorë të Baldushkut në Tiranë, kryedemokrati u shpreh se procesi është nën hetim evropian dhe se ish ministrja nuk shpëton dot.
Sipas tij, 130 milionë eurot e BE dhënë për bujqësinë shqiptare, Frida Krifca ia dha biznesmenëve për resorte dhe vila luksoze.
Berisha: Ata i dhanë Shqipërisë një shumë 130 mln euro për fermerët, për subvencione për impiante përpunimi, pra për qëllime bujqësore dhe blegtorale. Çfarë ndodhi? Ndodhi që ministrja filloi të hajë dardha. Nuk e kapën këta, por e kapi BE -ja Krifcën. Krifca ato milionat euro nuk i dha për bujqësinë, por ia dha biznesmenëve për resorte turistike, për vila luksoze.
Hetuesit evropiane erdhën dhe e hetuan, e ndërprenë ndihmën dhe procesi është në hetim. Nuk shpëton ajo. Edi Rama në vend që ta ndëshkonte për këtë skandal të madh, e mori këshilltare në zyrat e tij. Kjo do të thotë se dardhat i kishte ngrënë me Ramën. Ata kanë dardha sepse shohin Rama duke ngrënë gjithë ditën dardha.
–> © Panorama.al Burimi informacionit @Panorama.al: Lexo me shume ne :bota sot botasot.co
