Edhe pse konsiderohet si një nga frutat e fundit të verës, sërish mund t’i shijojmë, sidomos nëse kemi mundësi t’i presim nga pema. Arsyeja e fiqve është se përveç të freskët, mund t’i hamë edhe të thatë gjatë gjithë vitit ose në formë reçeli dhe ëmbëlsirë.
Fiqtë janë të shëndetshëm pasi janë një burim i shkëlqyer i fibrave, antioksidantëve dhe lëndëve të tjera ushqyese të rëndësishme. Megjithatë, ato duhet të konsumohen me moderim.
Më poshtë janë përfitimet më të rëndësishme që marrim nga fiqtë.
E pasur me fibra dhe lëndë ushqyese
Një avantazh i madh i fiqve është profili i tyre ushqyes. Fibrat mbështesin tretjen e shëndetshme, lehtësojnë kapsllëkun dhe përmirësojnë shëndetin e zemrës duke ulur presionin e gjakut dhe kolesterolin.
Dy fiq të papërpunuar të përmasave mesatare, rreth 17 gram, ofrojnë 2 gram fibra. Përveç kësaj, fiqtë përmbajnë lëndë ushqyese thelbësore si bakri, kaliumi, mangani, magnezi dhe vitamina K, të cilat kontribuojnë në funksionimin e duhur të trupit.
Mbështesin shëndetin e zemrës
Studimet laboratorike kanë treguar se ekstrakti i fikut mund të promovojë shëndetin e zemrës duke ulur presionin e gjakut dhe duke përmirësuar nivelet e kolesterolit, duke çuar në një rritje të kolesterolit HDL (të mirë) dhe uljen e kolesterolit total dhe triglicerideve. Megjithatë, studimet nuk ishin klinike
Përmirësojnë tretjen
Fiqtë ofrojnë prebiotikë të rëndësishëm që ushqejnë bakteret e mira të zorrëve. Një mikrobiomë e shëndetshme mund të çojë në uljen e inflamacionit dhe funksionimin më të mirë të sistemit imunitar.
Prandaj, fiqtë konsiderohen si një ilaç natyral për njerëzit me sindromën e zorrës së irrituar me simptoma të kapsllëkut. Në një studim me 150 njerëz të tillë, pjesëmarrësit që konsumuan 45 gramë fiq të thatë dy herë në ditë ishin në gjendje të përmirësonin fryrjen, dhimbjet e zorrëve dhe kapsllëkun.
Rregullojnë sheqerin
Në një studim të vogël, njerëzit me diabet të tipit 1 që pinin çaj nga gjethet e fikut çdo ditë përjetuan ulje të nivelit të sheqerit në gjak. Gjatë muajit që pinin çajin, kishin nevojë për rreth 12% më pak insulinë.
Megjithatë, i gjithë fruti i fikut mund të jetë i dobishëm edhe për njerëzit me diabet të tipit 2, për shkak të substancave të fuqishme antioksidante, të tilla si karotenoidet dhe polifenolet.
A mund t’i konsumojmë ato çdo ditë?
Dietologët theksojnë se megjithëse janë veçanërisht të shëndetshme, konsumimi i tyre nuk duhet të kalojë kuadrin e një diete të shëndetshme të ekuilibruar, pasi nëse e teproni, ka të ngjarë të përjetoni dhimbje në zorrë dhe ndoshta edhe diarre.
Por a ka një numër të caktuar që lejohet? Kjo varet nga numri i jashtëqitjeve. Nëse keni shpesh kapsllëk, ndoshta mund të hani deri në katër fiq në ditë. Nëse jashtëqitjet janë mjaft të rregullta, është më mirë të kufizoheni në dy ose tre fiq të freskët ose të thatë në ditë, rekomandojnë dietologet.
