![FSHF me “dorë të hekurt”, i bllokon merkaton disa skuadrave të Superiores 2 fshf me dore te hekurt i bllokon merkaton disa skuadrave te superiores](https://botasot.co/wp-content/uploads/2024/08/fshf-me-dore-te-hekurt-i-bllokon-merkaton-disa-skuadrave-te-superiores.jpg)
Federata Shqiptare e Futbollit ka treguar tolerancë zero, teksa së fundmi i ka bllokuar merkaton disa klubeve të Superiores. Skuadrat si Tirana, Laçi dhe Dinamo nuk do të mund të jenë aktive në dritaren e transferimeve për shkak të mospagesës së detyrimeve ndaj ish-lojtarëve por edhe për detyrimet që kanë për kuotën e trajnimit ndaj klubeve bazë.
Ky lajm i keq për ekipet e elitës vjen pikërisht në këtë periudhë, ku klubet e ndryshme të kampionatit shqiptar janë në kërkim të futbollistëve të duhur për të afruar. Futbolli në vendin tonë, vijon të ketë probleme të kësaj natyre. Nëse kthejmë kokën mbrapa, nuk është hera e parë që klubet ndëshkohen për shkak të mos korrektësisë ndaj palëve të 3-ta.
Njoftimi:
KF Laçi, për dështim në ekzekutimin e vendimit nr. 1, datë 23.04.2024 të Komisionit të Posaçëm të Kompesimit për Trajnim, në bazë të nenit 29/1/c të KDE, vendoset ndalimi i regjistrimit të lojtarëve të rinj për 3 (tre) periudha regjistrimi deri në pagesën e plotë të detyrimit.
KF Laçi, për dështim në ekzekutimin e vendimit nr. 2, datë 23.04.2024 të Komisionit të Posaçëm të Kompesimit për Trajnim, në bazë të nenit 29/1/c të KDE, vendoset ndalimi i regjistrimit të lojtarëve të rinj për 3 (tre) periudha regjistrimi deri në pagesën e plotë të detyrimit.
FC Dinamo City, për dështim në ekzekutimin e vendimit nr. 3, datë 30.05.2024 të Komisionit të Posaçëm të Kompesimit për Trajnim, në bazë të nenit 29/1/c të KDE, vendoset ndalimi i regjistrimit të lojtarëve të rinj për 3 (tre) periudha regjistrimi deri në pagesën e plotë të detyrimit.
FC Dinamo City, për dështim në ekzekutimin e vendimit nr. 4, datë 30.05.2024 të Komisionit të Posaçëm të Kompesimit për Trajnim, në bazë të nenit 29/1/c të KDE, vendoset ndalimi i regjistrimit të lojtarëve të rinj për 3 (tre) periudha regjistrimi deri në pagesën e plotë të detyrimit.
KF Tirana, për dështim në ekzekutimin e vendimit nr. 13, datë 19.02.2024 të Dhomës Kombëtare të Zgjidhjes së Mosmarrëveshjeve, në bazë të nenit 29/1/c të KDE, vendoset ndalimi i regjistrimit të lojtarëve të rinj për 3 (tre) periudha regjistrimi deri në pagesën e plotë të detyrimit.
Pranimin e kërkesës së kërkuesit Niko Zisi. KF Lushnja 1930, për dështim në ekzekutimin e vendimit nr. 15, datë 19.03.2024 të Dhomës Kombëtare të Zgjidhjes së Mosmarrëveshjeve, në bazë të nenit 29/1/b të KDE, i jepet një afat paralajmërues prej 30 (tridhjetë) ditësh për të ekzekutuar vendimin.
Kundër vendimit lejohet ankim brenda 3 (tre) ditëve përpara Komisionit të Apelit.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co