Prokuroria e Termini Imerese në Itali, ka futur në regjistrin e të dyshuarve James Cutfield, komandantin e jahtiti Bayesian, që u mbyt tragjikisht në brigjet e Palermos një javë më parë, duke lënë pas 7 viktima.

Sipas mediave italiane, James Cutfield, komandanti i Bayesian, është nën hetim për mbytje të anijes dhe vrasje të shumëfishta, pasi në aksident humbën jetën shtatë persona.

Mësohet se një kapiteni i jahtit ka dhënë dëshminë e tij për ngjarjen për rreth dy orë para magjistratëve të prokurorisë Termini Imerese.

Kjo është hera e dytë brenda një jave që Cutfield dëgjohet nga gjyqtarët. Cutfield ndodhet në një hotel së bashku me anëtarët e ekuipazhit të tij, disa prej të cilëve aktualisht po i nënshtrohen të njëjtës procedurë zyrtare dhe janë marrë në pyetje.

Sipas hetimeve, nuk përjashtohet mundësia që në regjistrin e të dyshuarve të përfshihen edhe persona të tjerë, si për shembull marinari që natën e stuhisë ishte në urë për të kontrolluar motin.

Prokuroria italiane po rruan konfidencialitetin maksimal në lidhje me përmbajtjen e seancave gjyqësore.

Seanca zgjati më shumë se dy orë gjatë së cilës menaxheri i jahtit iu përgjigj disa pyetjeve, nëse kapa e tenderit ishte hapur apo jo, pra dera që ndan dhomën e tenderit nga dhoma e motorit dhe pozicionin e kamës së lëvizshme.

Po ashtu, mësohet se ai është pyetur se çfarë ndodhi në periudhën kohore nga ora 3.50 e mëngjesit, kur kushtet e motit filluan të përkeqësohen, deri në orën 4.06 të mëngjesit kur sinjali i fundosjes automatike ka rënë.

Mbeten gjithashtu dyshime se përse kanë kaluar 32 minuta nga momenti i fundosjes, i caktuar në orën 4:06 të mëngjesit, deri në lëshimin e raketës sinjalizuese.

Magjistratët kanë kërkuar gjithashtu të sqarohen kontaktet midis komandantit dhe anëtarit të ekuipazhit të ngarkuar për monitorimin e alarmeve të motit, situatën e anijes me vela dhe butonin për të vulosur të gjitha dyert e anijes jahtit.

Nëse në fillim Cutfield u dëgjua si një person i informuar për faktet, pozicioni i tij ndryshoi pasi gjyqtarët dëgjuan dëshmitarët e tjerë dhe panë pamjet nënujore të rrënojave.

Autopsia e viktimave të mbytjes së anijes

Testet e autopsisë janë planifikuar të fillojnë të martën dhe do të zgjasin deri të enjten. Autopsia do të bëhet në poliklinikën e Palermos.

Testet do të kryhen në trupat e manjatit britanik Mike Lynch, vajzës së tij 18-vjeçare Hannah, Jonathan Bloomer, president i Morgan Stanley International, tek gruaja e tij Anne Elizabeth, tek avokatja dhe ish-prokurorja e Nju Jorkut, Chris Morvillo, gruaja e tij Nada dhe te kuzhinieri Thomas Recaldo.

Kujtojmë se Bayesian, një jaht 56 ​​metra i gjatë, mbante 22 persona kur u përmbys dhe u fundos të hënën brenda disa minutave, pasi u godit nga një stuhi para agimit, ndërsa ishte ankoruar në Sicilinë veriore.

Pesëmbëdhjetë njerëz mbijetuan, duke përfshirë gruan e Lynch, kompania e së cilës zotëronte Bayesian. Vajza 18-vjeçare e Lynch, Hannah, ishte në mesin e atyre që vdiqën.

Ndërsa jahti ishte goditur nga një ngjarje e papritur meteorologjike, ishte e besueshme se ishin kryer krime të vrasjes së shumëfishtë dhe shkaktimit të një anijembytjeje nga pakujdesia, tha të shtunën kreu i zyrës së prokurorit publik të Termini Imerese, Ambrogio Cartosio.

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co