Karlo Ançeloti, me rastin e përurimit të vitit akademik 2024- 2025 të Shkollës Universitare të Realit të Madridit, shfrytëzoi këtë mundësi për të nënvizuar rolin themelor që luan presidenti Florentino Perez në sukseset sportive të klubit të bardhë.
“Puna e presidentit është spektakolare, klubi fiton për punën që ka arritur të bëjë gjatë gjithë kësaj periudhe që është në krye”, tha trajneri italian, duke nënvizuar organizimin dhe kërkesën që karakterizon këtë klub.
PASIONI I ANÇELOTIT – “Pasioni është karburant dhe nëse ke fatin t’i bësh gjërat me pasion, kjo të lejon të bësh punën tënde me disiplinë, sakrificë, përkushtim… Për mua futbolli nuk është punë. Nëse pas gjithë punës ka pasion, ju kushton më pak për ta bërë atë. Jam me fat që bëj një punë që nuk e konsideroj punë, sepse më pëlqen. E kam nisur që fëmijë si pasion dhe mbetet pasion”.
NJË KLUB FITUES – “Reali i Madridit ka fituar dhe vazhdon të fitojë, sepse nuk i pëlqen të humbasë apo të barazojë. Ka klube që e pranojnë humbjen, ndryshe nga Reali. Kjo rrit kërkesën dhe përgjegjësinë për njerëzit që punojnë në këtë klub.”
ÇELËSI I SUKSESIT – “Kam punuar në shumë klube të nivelit të lartë. Reali i Madridit është më i madhi në botë për sa i përket historisë, organizimit dhe kërkesave… Puna e presidentit është spektakolare, klubi fiton për punën që ka arritur të bëjë”.
ATMOSFERA – “Madridi është një familje, ne kalojmë shumë kohë këtu dhe atmosfera ndihmon të nxjerrim më të mirën.”
PANORAMASPORT.AL
