![Gjendet i vrarë në një park 17-vjeçari shqiptar në Itali, arrestohen dy të rinj. Motivi, dyshohet për pazare droge 2 gjendet i vrare ne nje park 17 vjecari shqiptar ne itali arrestohen dy te rinj motivi dyshohet per pazare droge](https://botasot.co/wp-content/uploads/2024/06/gjendet-i-vrare-ne-nje-park-17-vjecari-shqiptar-ne-itali-arrestohen-dy-te-rinj-motivi-dyshohet-per-pazare-droge.jpg)
Një 17-vjeçar shqiptar është gjetur i vrarë në Baden Poëell në Pescara. Mediat italiane raportojnë se i riu u gjet në një park, ndërsa në trup kishte disa plagë të shkaktuara nga thika. Deri më tani nuk dihet identiteti i shqiptarit, pasi nuk ka pasur dokumente me vete.
Sipas informacioneve fillestare, ekipet e shpëtimit 118 kanë marrë një telefonatë rreth orës 21:00 të së dielës në mbrëmje. Djali me origjinë shqiptare është gjetur me fytyrën të kthyer në tokë. Vrasja duket se ka ndodhur në kulmin e një debati. Të arrestuar janë dy djem, njëri nga të dy është djali i një komandanti policie të stacionit lokal, tjetri djali i një avokati të njohur nga Pescara.
Goditja me thikë ka ardhur nga një debat, por mbetet ende për t’u vlerësuar se cila ka qenë arsyeja, edhe nëse nga hipotezat e para duket se në bazë të përleshjes ka pasur një borxh prej disa qindra eurosh, për çështje droge.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co