Ksavi Simons është larguar nga Lajpcig pas një viti ku qëndroi si i huazuar nga PSG-në.
Megjithatë, mesfushori ofensiv do të rikthehet sërish në Gjermani, por tani në radhët e gjigantit gjerman, Bajern Mynih. Sipas “SkySports”, Ksavi Simons ka arritur një marrëveshje personale me Bajern Mynih për t’iu bashkuar klubit bavarez këtë verë. Mesfushori i talentuar holandez, aktualisht në pronësi të PSG-së, është një hap larg të qenit pjesë e një prej skuadrave më konkurruese në Europë. Megjithatë, të dyja klubet duhet të arrijnë një marrëveshje për kushtet e transferimit, diçka që pritet të zgjidhet në ditët në vijim.
Bajern dhe Parisi prej kohësh janë në bisedime dhe po mundohen të gjejnë një marrëveshje për transferimin e Simons në Allianz Arena.
PANORAMASPORT.AL
Burimi informacionit @Panorama.al: Lexo me shume ne :bota sot www.botasot.co
