![“Grabitja që i bëhet këtij segmenti, humbje për të gjithë”, banorët e Thumanës paralajmërojnë protestë para Parlamentit 2 grabitja qe i behet ketij segmenti humbje per te gjithe banoret e thumanes paralajmerojne proteste para parlamentit](https://botasot.co/wp-content/uploads/2024/09/grabitja-qe-i-behet-ketij-segmenti-humbje-per-te-gjithe-banoret-e-thumanes-paralajmerojne-proteste-para-parlamentit.jpg)
Banorët e Thumanës kanë shpallur një protestë për të hënën, më 2 Shtator, në orën 17:00 para Parlamentit për të kërkuar akses në autostradën SH1 që kalon përmes zonës së tyre.
Në një njoftim të shpërndarë për publikun, ata theksojnë se problemi i aksesit në këtë segment të rëndësishëm të rrjetit rrugor ka pasojë të mëdha për komunitetin e Thumanës dhe më gjerë.
“Grabitja që i bëhet këtij segmenti nuk është vetëm humbje për ne, por për të gjithë,” thuhet në njoftimin e tyre.
Banorët kërkojnë që të sigurohet hyrja dhe dalja në autostradën SH1, e cila është një arterie kryesore për transportin dhe zhvillimin e zonës.
Ata ftojnë të gjithë ata që mbështesin kauzën e tyre të bashkohen në protestën që do të mbahet përpara Parlamentit për të shprehur shqetësimet e tyre dhe për të kërkuar zgjidhje nga autoritetet kompetente.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co