![Granatimet e pandërprera ukrainase, rajoni i Belgorodit shpall gjendjen e jashtëzakonshme 2 granatimet e panderprera ukrainase rajoni i belgorodit shpall gjendjen e jashtezakonshme](https://botasot.co/wp-content/uploads/2024/08/granatimet-e-panderprera-ukrainase-rajoni-i-belgorodit-shpall-gjendjen-e-jashtezakonshme.jpg)
Guvernatori i Belgorod, një rajon rus në kufi me territorin ukrainas, njoftoi sot se po shpall një gjendje të jashtëzakonshme, duke përmendur situatën “e vështirë” për shkak të granatimeve të vazhdueshme ukrainase.
“Situata në rajonin tonë, Belgorod, mbetet jashtëzakonisht e vështirë dhe e tensionuar, për shkak të granatimeve nga forcat e armatosura ukrainase. Shtëpitë u shkatërruan, civilë u vranë dhe u plagosën”, tha përmes Telegram guvernatori rajonal Vychislav Gladkov.
“Për të garantuar mbrojtje më të mirë të popullatës dhe për të ofruar ndihmë të mëtejshme për viktimat, nga sot do të shpallet gjendja e jashtëzakonshme në nivel rajonal”, shtoi ai, duke theksuar se po kërkon nga Moska që gjithashtu të shpallë gjendjen e jashtëzakonshme në nivel federal”.
Ai foli për sulme nga dronët ukrainas kundër dy fshatrave në rajon – Sebekina dhe Ustinka. Autoritetet në rajonet e Kursk, Varonez dhe Bryansk folën gjithashtu për bastisjet ukrainase me dronë, megjithatë, duke siguruar se ato u rrëzuan nga mbrojtja kundërajrore ruse gjatë natës. Autoritetet në Kursk raportuan gjithashtu se katër raketa ukrainase u shkatërruan mbi perimetër gjatë natës.
Forcat e armatosura të Ukrainës filluan një operacion në shkallë të gjerë më 6 gusht në rajonin e Kurskut, i cili kufizohet me Varonezin, dhe pretendojnë se kanë kapur më shumë se 1000 kilometra katrorë të territorit rus. Autoritetet ruse pranojnë se kanë humbur 28 komunitete dhe thonë se fitimet territoriale ukrainase shtrihen në një zonë 40 kilometra të gjerë dhe 12 kilometra të thellë.
trupat kanë avancuar 800 kilometra në rajonin e Kurskut. Sakaq, Rusia ka avancuar 1,360 kilometra në territorin ukrainas që nga 1 janari, sipas analizës së AFP. Sipas një zyrtari amerikan i cili foli për agjencinë e lajmeve Reuters, qëllimi i operacionit ukrainas duket të jetë të detyrojë Rusinë të tërheqë trupat nga zonat e saj.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co