Gruaja lirohet pas 43 vitesh në burg për një vrasje që nuk e kishte kryer

Një grua që qëndroi 43 vite në burg për një vrasje që nuk e kishte kryer është liruar pasi u rrëzua dënimi i saj.

Sandra Hemme ishte 20 vjeçe kur u shpall fajtore për vrasjen me thikë të punonjëses së bibliotekës Patricia Jeschke nga St Joseph, Missouri, në nëntor 1980. Ajo u dënua me burgim të përjetshëm.

Nuk kishte asnjë provë që e lidhte atë me krimin, përveç një rrëfimi që ajo dha nën qetësim të rëndë në një spital psikiatrik. Tani, 64 vjeç, ajo ka kryer dënimin e gabuar më të gjatë të një gruaje në historinë e SHBA, sipas përfaqësuesve të saj.

Gruaja lirohet pas 43 vitesh në burg për një vrasje që nuk e
Sandra Hemme (majtas) del nga burgu pas 43 vitesh
Ekipi i saj ligjor në Projektin Innocence tha se ata janë mirënjohës që Hemme më në fund është ribashkuar me familjen e saj dhe ata do të “vazhdojnë të luftojnë” për të pastruar emrin e saj.

Ndërsa ajo u lirua, çështja e saj është ende duke u shqyrtuar.

Hemme u mor në pyetje nga policia disa herë nën ndikimin e ilaçeve antipsikotike dhe një qetësuesi të fuqishëm pasi u shtrua në mënyrë të pavullnetshme në një spital psikiatrik. Ajo kishte marrë herë pas here trajtim psikiatrik që kur ishte 12 vjeç.

Përgjigjet e saj ishin “njërrokëshe” dhe ajo “nuk ishte plotësisht e vetëdijshme për atë që po ndodhte”, treguan dokumentet e gjykatës, dhe ndonjëherë mezi e mbante kokën drejt dhe kishte dhimbje nga spazmat e muskujve – një efekt anësor i ilaçeve.

Rishikimi i gjyqtarit Horsman vuri në dukje se asnjë provë mjeko-ligjore nuk e lidh Hemme me vrasjen. Ajo nuk kishte asnjë motiv dhe nuk kishte dëshmitarë që e lidhnin atë me krimin.

Sandra Hemme më në fund doli nga burgu të premten dhe Kansas City Star raporton se ajo do të jetojë me motrën e saj.

Pas lirimit, ajo u ribashkua me familjen në një park aty pranë, ku përqafoi motrën, vajzën dhe mbesën.

Burimi informacionit @BalkanWeb: Lexo me shume ne : Bota Sot News botasot.co