Hapja e bazës së NATO-s në Kuçovë, Basha: Lajm i mirë jo vetëm për Shqipërinë, por për sigurinë e të gjithë rajonit

hapja e bazes se nato s ne kucove basha lajm i mire jo vetem per shqiperine por per sigurine e te gjithe rajonit

TIRANE

Kryetari i Partisë Demokratike zyrtare, Lulzim Basha ka reaguar pas hapjes së bazës së NATO-s në Kuçovë. Me anë të një postimi në “facebook” Basha shprehet se anëtarësimi i Shqipërisë në NATO 15 vite më parë ishte një nga arritjet më të mëdha të shqiptarëve.
Ai shton se sot falë mbështetjes së Aleancës më të madhe të sigurisë u hap baza ajrore e NATO-s në Kuçovë.

Postimi i plote

Anëtarësimi i Shqipërisë në NATO 15 vjet më parë ishte një nga arritjet më të mëdha të shqiptarëve.

Sot falë mbështetjes së Aleancës më të madhe të sigurisë u hap baza ajrore e NATO-s në Kuçovë.

Ky është një lajm i mirë jo vetëm për Shqipërinë, por për sigurinë e të gjithë rajonit në një kohë të trazuar dhe të kërcënuar nga përpjekjet e Rusisë për të krijuar vatra të reja konflikti në Ballkanin Perëndimor.

Mirënjohje NATO-s, SHBA, Turqisë, Italisë, Gjermanisë, Britanisë së Madhe dhe aleatëve të tjerë për ndihmën dhe mbështetjen për paqe dhe siguri në Ballkanin Perëndimor.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne : Bota Sot News botasot.co