Manjati britanik Mike Lynch, i cili vdiq tragjikisht pasi jahti i tij Bayesian u mbyt në brigjet e Siçilisë, donte të shiste anijen me vela pak muaj më parë, por ndryshoi mendje pas lirimit të tij nga burgu në SHBA në qershor.

Sipas “Daily Telegraph”, duke cituar burime në sektorin detar, manjati britanik e kishte nxjerrë superjahtin në treg në mars të këtij viti dhe më pas kishte ndryshuar mendje vetëm muajin e kaluar.

Synimi ishte të kalonte verën në bordin e varkës dhe më pas të rishikohej vendimi për ta shitur atë në vjeshtë.

Ndërkohë, autoritetet italiane janë në pritje të përfundimit të kërkimit për gjetjen e turpit të fundit të zhdukur pas fundosjes së Bayesian.

Autoriteti Portual, i koordinuar nga prokurori Ambrogio Cartosio dhe prokurori Raffale Cammarano po vijojnë ndërkohë hetimet në disa pista, si mbytje anijeje, fatkeqësi por edhe vrasje të shumëfishtë.

Hipoteza në të cilën po fokusohen hetuesit do të ishte ajo e një zinxhiri të supozuar gabimesh njerëzore që do të kishin shkaktuar fundosjen e anijes me vela. Ka një sërë aspektesh teknike në të cilat po japin një kontribut zhytësit speleo, por edhe imazhet e marra nga Rov, roboti nënujor.

LEXO EDHE: Mister shkaqet e fundosjes së superjahtit në Siçili! Nga nxjerrja në sipërfaqe, te rikuperimi i tij, ja si mund të zbardhet tragjedia! Flasin inxhinierët italianë

Direku i jahtit mund të ketë pasur një rol vendimtar në qëndrueshmërinë më të ulët të trupit të anijes dhe në fundosjen e shpejtë të saj. Po ashtu, disa dyer të hapura mund të kenë marrë në bord një masë e madhe uji në një kohë të shkurtër, ndërsa thuhet se edhe motorët mund të jenë fikur.

Përgjigjet vendimtare mund të vijnë edhe nga rikuperimi i anijes dhe kutisë së zezë. Komandanti i Zelandës së Re, James Cutfield thuhet se tha në spital se nuk e kishte vënë re stuhinë që po vinte.

Megjithatë, mbetet për t’u kuptuar se si ishte e mundur që një anije 56 metra, e pajisur me të gjitha teknologjitë dhe pajisjet më të sofistikuara të radarit, të mbytet brenda pak minutash siç tregohet nga videot e shumta të marra nga hetuesit nga shtëpitë dhe një klub lundrimi si dhe varkat e vendosura në zonë.

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co