![Hera e parë që nga nisja e agresionit rus, kryeministri i Hungarisë, Orban vizitë në Kiev 2 hera e pare qe nga nisja e agresionit rus kryeministri i hungarise orban vizite ne kiev](https://botasot.co/wp-content/uploads/2024/07/hera-e-pare-qe-nga-nisja-e-agresionit-rus-kryeministri-i-hungarise-orban-vizite-ne-kiev.jpg)
Kryeministri i Hungarisë, Viktor Orban, arriti për vizitë në Kiev, për herë të parë prej se Rusia nisi pushtimin në shkallë të plotë të Ukrainës në vitin 2022. Zëdhënësi i tij, Zoltan Kovacs, tha se Orban do të diskutojë për “paqen evropiane” me presidentin ukrainas, Volodymyr Zelensky.
“Bisedimet do të fokusohen në mundësitë për arritjen e paqes, si dhe në çështjet aktuale në marrëdhëniet dypalëshe hungareze-ukrainase”, shkroi Kovacs në X. Vizita e tij vjen një ditë pasi Hungaria mori presidencën e radhës të Këshillit të Bashkimit Evropian.
Orban është një kritik i ndihmave ushtarake të Perëndimit për Ukrainën. Ai është, po ashtu, një nga udhëheqësit e paktë perëndimorë që është takuar me presidentin rus, Vladimir Putin, prej se ai ka urdhëruar pushtimin e vendit fqinj.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co