![Hetimi për Berishën/ Dumani: Denoncimi i Ballës shërbeu thjesht si indicie, por… 2 hetimi per berishen dumani denoncimi i balles sherbeu thjesht si indicie por](https://botasot.co/wp-content/uploads/2024/07/hetimi-per-berishen-dumani-denoncimi-i-balles-sherbeu-thjesht-si-indicie-por.jpg)
Kreu i SPAK, Altin Dumani, duke folur në Parlament, po i përgjigjet pyetjeve të deputetëve.
Ndër pyetjet që iu drejtuan Dumanit ishte ajo e deputetit Bujar Leskaj në lidhje me arrestimin e Sali Berishës, i cili ndodhet nën hetim lidhur me procedurat për privatizimin e ish-kompleksit Partizani, dhe prej 30 dhjetorit 2023 ndodhet në “arrest shtëpie”.
Dumani tha se dosja e depozituar nga deputeti Taulant Balla, ish-Kryetar i Grupit Parlamentar të PS-së, aktualisht ministër i Brendshëm, ka shërbyer thjesht si indicie. Por, sipas tij, prokurorët kanë kryer hetimet e tyre dhe kanë dalë në konkluzionet e tyre bazuar në këto hetime.
Dumani tha se ishin Gjykatat ato që kanë vlerësuar dosjen e paraqitur dhe nuk mund të komentonte vendimet e Gjykatës, përkundrazi i respekton ato. Dumani nuk ka bërë më shumë komente lidhur me çështjen në fjalë, për faktin se ajo është ende nën hetim.
Kreu i SPAK tha se shyqyr që ia kemi arritur ditës që Prokuroria të hetojë dhe arrestojë ish-ministra apo ish-Kryeministra.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co