![Hezbollahu kërcënon me sulme të reja nëse Izraeli shënjestron civilët në Liban 2 hezbollahu kercenon me sulme te reja nese izraeli shenjestron civilet ne liban](https://botasot.co/wp-content/uploads/2024/07/hezbollahu-kercenon-me-sulme-te-reja-nese-izraeli-shenjestron-civilet-ne-liban.webp)
Grupi militant libanez, Hezbollah, do të godasë caqe të reja izraelite nëse Izraeli vazhdon të shënjestrojë civilët në Liban, paralajmëroi lideri i grupit Sayyed Hassan Nasrallah, duke theksuar se ka pasur rritje të numrit të civilëve të vrarë në Liban ditëve të fundit.
Pesë civilë, të gjithë sirianë, në mesin e të cilëve edhe tre fëmijë u vranë gjatë sulmeve izraelite në Liban më 16 korrik dhe të paktën tre civilë libanezë u vranë në ditën paraprake, sipas medias shtetërore në Liban.
Izraeli ka thënë se shënjestron militantët e Hezbollahut dhe infrastrukturën e grupit në Liban dhe nuk shënjestron civilët.
“Vazhdimi i shënjestrimit të civilëve do të shtyjë ‘Rezistencën’ që të lëshojë raketa në vendbanimet që më herët nuk janë shënjestruar”, tha Nasrallah.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co