![Humbi Bashkinë e Himarës me 1500 vota përballë Tavos, reagon Gjikuria: Zhvilluam një garë të bukur. Kjo betejë ishte pararojë e… 2 humbi bashkine e himares me 1500 vota perballe tavos reagon gjikuria zhvilluam nje gare te bukur kjo beteje ishte pararoje e](https://botasot.co/wp-content/uploads/2024/08/humbi-bashkine-e-himares-me-1500-vota-perballe-tavos-reagon-gjikuria-zhvilluam-nje-gare-te-bukur-kjo-beteje-ishte-pararoje-e.jpg)
Petro Gjikuria, kandidati i opozitës për Bashkinë e Himarës, humbi garën përballë kandidat socialist Vangjel Tavo me 1477 vota diferencë. Në një deklaratë për mediat, Gjikuria shprehet se “patëm një betejë të madhe. Një betejë e cila ishte vazhdim i shumë betejave të mëdha që kanë bërë himariotët, sidomos vitet e fundit të udhëhequr nga Fredi Beleri. Kjo betejë ishte pararojë e betejave të ardhshme që do të thirremi për vendin tonë”.
Lidhur me rezultatin, Gjikuria shprehet se rezultati ishte produkt i transformimit të listës së zgjedhësve me qëllim përshtatjen e saj me interesat e kundërshtarëve tanë, duke i dhënë mundësinë një ushtrie partiake të merrte pjesë në zgjedhje dhe njëkohësisht, duke u mohuar këtë të drejtë mijëra qytetarëve të Himarës, si dhe duke përfshirë shtetin dhe parashtetin.
Deklarata e Petro Gjikuria
“Patëm një betejë të madhe. Një betejë e cila ishte vazhdim i shumë betejave të mëdha që kanë bërë himariotët, sidomos vitet e fundit të udhëhequr nga Fredi Beleri. Kjo betejë ishte pararojë e betejave të ardhshme që do të thirremi për vendin tonë.
Në këto zgjedhje pamë metoda antidemokratike në të gjitha stadet e tyre. Rezultati ishte produkt i transformimit të listës së zgjedhësve me qëllim përshtatjen e saj me interesat e kundërshtarëve tanë, duke i dhënë mundësinë një ushtrie partiake të merrte pjesë në zgjedhje dhe njëkohësisht, duke u mohuar këtë të drejtë mijëra qytetarëve të Himarës, si dhe duke përfshirë shtetin dhe parashtetin.
Qëllimi ishte patja e një tjetër kryebashkiaku të dobët, i cili do t’u shërbejë interesave të Edi Ramës dhe partisë së tij.
Dëshiroj të falënderoj të gjithë ata që ndihmuan në këtë fushatë elektorale për garën e bukur dhe të ndershme që bëmë. Beteja për të nesërmen e Himarës vazhdon.”
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co