![Humbja e Erdogan në Turqi, ish-ambasadori Nesho: Ja arsyet e humbjes së fitores së opozitës në zgjedhje 2 humbja e erdogan ne turqi ish ambasadori nesho ja arsyet e humbjes se fitores se opozites ne zgjedhje](https://botasot.co/wp-content/uploads/2024/04/humbja-e-erdogan-ne-turqi-ish-ambasadori-nesho-ja-arsyet-e-humbjes-se-fitores-se-opozites-ne-zgjedhje.jpg)
Ish-ambasadori Agim Nesho, i ftuar në studion e “Open” në News24 ka komentuar humbjen e partisë së Presidentit turk Erdogan në zgjedhjet e fundit.
Nesho u shpreh se arsyeja kryesore e humbjes së Erdogan ishte akumulimi i problemeve, si ekonomia, mosfunksionimi i drejtësisë apo kufizimi i lirive.
“Ajo që është e rëndësishme është se opozita për herë të parë ka fituar votën popullore që nga dalja e Erdoganit në pushtet. Kishte një akumulim sepse Erdogan dhe sistemi politik në Turqi kishin sjellë një pakënaqësi të shtuar te populli. Kufizimi i lirive ishte ndër faktorët kryesorë, mosfunksionimi i drejtësisë, polarizimi i tejskajshëm në kushtet e popullit. Politika ishte ndarë mes erdoganistëve dhe opozitës. Ekonomia po ashtu ka ndikuar me inflacionin që aktualisht është 69%, me Erdogan që ndërhyn drejtpërdrejt në çështjet e ekonomisë”, tha ai.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co