![“I thoni të mos futet te dhoma ime”/ Vrau shokun e dhomës me bastun, 78-vjeçari vuan nga demenca, çfarë tha para policisë 2 i thoni te mos futet te dhoma ime vrau shokun e dhomes me bastun 78 vjecari vuan nga demenca cfare tha para policise](https://botasot.co/wp-content/uploads/2024/08/i-thoni-te-mos-futet-te-dhoma-ime-vrau-shokun-e-dhomes-me-bastun-78-vjecari-vuan-nga-demenca-cfare-tha-para-policise.jpg)
News24 zbardh detaje të reja lidhur me ngjarjen e rëndë dhe dinamikën e krimit. Burime bëjnë me dije se 78-vjeçari Zyhdi Shehu prej një viti sëbashku me gruan e tij jetonin në një azil në kryeqytet, pasi djali i tyre jetonte dhe punonte në Berlin.
Detaje të reja janë zbuluar në lidhje me ngjarjen e rëndë që ndodhi ditën e sotme në një azil në kryeqytet, ku një 78-vjeçar rrahu për vdekje një tjetër të moshuar pas një konflikti të çastit.
Mësohet se autori Zyhdi Shehu vuan nga demenca dhe për shkak të saj ai ende nuk e ka kuptuar krimin që ka kryer dhe nuk është në dijeni se 82-vjeçari Virxhil Vesho ka ndërruar jetë.
Sipas asaj që raportohet grupi hetimor e ka pasur të vështirë t’i marrë një dëshmi apo deklarim për shkak se është i sëmurë.
E vetmja fjali që ka thënë ishte “i thoni atij djalit të mos futet më te dhoma ime”, duke iu referuar viktimës, i cili ishte shtrirë në krevatin e autorit para se ky i fundit ta godiste me bastun.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co