![Indi, në fshatin e origjinës së Kamala Harris nisin lutjet për fitoren ndaj Trump (VIDEO) 2 indi ne fshatin e origjines se kamala harris nisin lutjet per fitoren ndaj trump video](https://botasot.co/wp-content/uploads/2024/07/indi-ne-fshatin-e-origjines-se-kamala-harris-nisin-lutjet-per-fitoren-ndaj-trump-video.jpg)
Postera të mëdhenj të Zëvendës Presidentes së SHBA Kamala Harris janë vendosur në fshatin Thulasendrapuram në distriktin Tiruvarur të Tamil Nadu të Indisë, pasi ajo u mbështet nga presidenti amerikan Joe Biden si kandidate e Partisë Demokratike kundër Donald Trump të Partisë Republikane në zgjedhjet e 5 nëntorit.
Në një video të shpërndarë nga ANI, disa postera mund të shihen në disa vende të fshatit, nga i cili e ka origjinën e largët zv/presidentja aktuale amerikane Kamala Harris.
#WATCH | Tamil Nadu: Posters of the United States Vice President Kamala Harris put up in her native village Thulasendrapuram, in Tiruvarur district, after US President Joe Biden endorsed her as the Democratic Party’s Presidential nominee. pic.twitter.com/JReVCYpvtP
— ANI (@ANI) July 24, 2024
Thulasendrapuram, i rrethuar nga fusha me rërë, dikur ishte shtëpia e gjyshit të nënës së Kamala Harris. Një fotografi e madhe e saj qëndron në hyrje të fshatit pranë tempullit të tij kryesor, raportoi AFP.
Pasi Biden u tërhoq nga gara dhe i hapi rrugën Harris për të kandiduar, lutjet e komunitetit kanë filluar në fshat dhe pritet të vazhdojnë çdo ditë deri në ditën e votimit më 5 nëntor, thuhet në raport.
Kryeprifti i një tempulli, M Natrajan, bëri përulje duke ofruar ëmbëlsira për zotat dhe tha: “Ne u lutëm për të dhe ajo u bë zv/presidente… Me bekimin e hyjnisë sonë të gjithëfuqishme, ne jemi të bindur se ajo tani do të bëhet edhe presidente”.
Gjithashtu, ekziston një imazh i madh i Harrisit që qëndron jashtë portave të tempullit. Natrajan vuri në dukje se shkalla e lutjeve do të rritet me afrimin e zgjedhjeve.
Sipas AFP, emri i Harris shihet në listën e donatorëve në një nga muret e tempullit, megjithatë, ajo nuk e ka vizituar këtë vend që kur u betua si zëvendëspresidente e SHBA-së në vitin 2021.
“Këtë herë nëse fiton përsëri, festimet do të jenë më madhështore se çdo gjë që fshati ka parë ndonjëherë”, tha prifti për agjencinë e lajmeve, duke shpresuar se ajo do ta vizitojë vendin pas fitores.
PV Gopalan, gjyshi i Harris nga nëna, u largua nga fshati dekada më parë. Por banorët atje kanë thënë se familja vazhdon të mbajë një lidhje të ngushtë me të dhe madje ka dhuruar rregullisht për mirëmbajtjen e tempullit.
Harris ka lindur në Kaliforni. Ajo vizitonte shpesh Indinë me nënën e saj, Shyamala Gopalan.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co