![Inkursioni i Ukrainës, ushtria: Kemi rrëzuar 14 dronë të Rusisë 2 inkursioni i ukraines ushtria kemi rrezuar 14 drone te rusise](https://botasot.co/wp-content/uploads/2024/08/inkursioni-i-ukraines-ushtria-kemi-rrezuar-14-drone-te-rusise.jpg)
Mbrojtja ajrore e Ukrainës ka rrëzuar të 14 dronët që Rusia lëshoi gjatë natës, tha ushtria ukrainase më 17 gusht. Dronët Shahed – të prodhimit iranian – u rrëzuan mbi gjashtë rajone ukrainase, përfshirë mbi zonat afër kryeqytetit ukrainas, Kiev, u tha në njoftimin e Forcave Ajrore ukrainase të publikuar në Telegram.
Nuk ka raportime për viktima nga sulmet me dronë dhe raketa që Rusia kreu gjatë natës në Ukrainë, raporton Rel.
Ushtria ukrainase tha po ashtu dronët u lëshuan nga rajoni rus i Kurskut. Në këtë rajon, që nga 6 gushti, Ukraina po kryen një inkursion.
Deri më tani, ushtria ukrainase ka pretenduar se ka marrë nën kontroll 82 vendbanime në një zonë prej 1.150 kilometrash të këtij rajoni rus.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co