Këshilli i Sigurimit Kombëtar të Irakut ndaloi Partinë e Punëtorëve të Kurdistanit (PKK) nga funksionimi në vend, pas një takimi të lartë të sigurisë me një delegacion turk në Bagdad.

Sipas raportit, të dy palët diskutuan masat që do të merren kundër grupit që Bagdadi pretendon se përbën një kërcënim sigurie për vendin dhe Turqinë fqinjë.

Delegacioni turk, i cili përfshinte ministrin e jashtëm të Ankarasë Hakan Fidan, ministrin e mbrojtjes Jashar Guler dhe Ibrahim Kalin, kreun e agjensisë së inteligjencës (MIT), vizituan Bagdadin dhe mbajtën raundin e dytë të një takimi të lartë të sigurisë me homologët e tyre irakenë.

Raundi i parë i bisedimeve të sigurisë u mbajt në Ankara në dhjetor.

“Të dy palët theksuan se organizata PKK përfaqëson një kërcënim sigurie si për Turqinë ashtu edhe për Irakun dhe është e sigurtë se prania e organizatës në territorin e Irakut përbën një shkelje të kushtetutës së Irakut,” lexohej në një deklaratë të përbashkët nga ministritë e jashtme të Ankarasë dhe Bagdadit.

Të martën, ministria turke e mbrojtjes botoi fotografi që supozohet se tregonin një komandant të lartë turk që takohej me komandantët ushtarakë kurdë dhe irakenë në rajonin e Kurdistanit.

“Operacionet që kryejmë në Irakun e veriut kryhen në koordinim të ngushtë me njësitë e sigurisë së Irakut,” tha ministria në një postim në X, duke shtuar se ata diskutuan mbi sigurinë kufitare Irak-Turqi.

PKK është renditur si një grup terrorist në Turqi, SHBA dhe BE dhe kishte udhëhequr një kryengritje kundër Ankarasë që nga vitet 1980 me objektivin e krijimit të një shteti të pavarur kurd.

Burimi informacionit @BalkanWeb: Lexo me shume ne : Bota Sot News botasot.co