Në një komunikim të drejtpërdrejtë në studion e “Open” në News24, analisti Endri Tafani komentoi sulmin e fundit të Iranit, i cili dërgoi qindra raketa drejt Izraelit.

Ai e cilësoi këtë sulm si të pritshëm, duke e lidhur atë me ngjarjet e fundit në Liban, përfshirë vrasjen e liderëve të Hezbollahut dhe goditjen e qendrave të logjistikës së këtij grupi.

Tafani shpjegoi se sulmi tokësor i Izraelit kishte detyruar Iranin të përgjigjej për të ruajtur pozitat e tij në rajon. Ai vuri në dukje se Irani kishte paralajmëruar edhe më herët për një përgjigje pas vrasjes së liderit të Hamasit.

[embedded content]

Megjithatë, ai konfirmoi se për momentin nuk kishte viktima, dhe se qiejt e Izraelit ishin të hapur për fluturime, pasi rreziku i sulmit kishte përfunduar.

“Sulmi ishte i pritshëm nga ana e Iranit, pas ngjarjeve të fundit në Liban duke vrarë liderët e Hezbollahut, si edhe goditjen e qendrave të logjistikës së Hezbollahut në Liban. Dje po ashtu ka nisur sulmi tokësor, duke bërë që Irani të ishte i detyruar të përgjigjej për të mos dalë nga loja. Irani kishte bërë një paralajmërim të tillë edhe pas vrasjes së liderit të Hamasit. Për momentin nuk ka viktima dhe qiejt e Izraelit janë të hapur për fluturime pasi rreziku i sulmit ka përfunduar. Sakaq, pritet që Izraeli të përgjigjet së shpejti, ndoshta që natën në vijim”, tha ai.

[embedded content]

Burimi informacionit @BalkanWeb: Lexo me shume ne : Bota Sot News botasot.co