Anulimi i fluturimit Milano-Tiranë mbrëmjen e kësaj të premte la më shumë se 60 pasagjerë në aeroportin e Malpensës, në mëshirë të fatit. Një kalvar me sorollatje i nisur prej orës 14.00 dhe vijon përtej mesnatës së ditës tjetër.

Në mesin e pasagjerëve ka edhe foshnja, të moshuar apo të sëmurë.

Një prej pasagjerëve tha për BalkanWeb dhe News24 se kishte udhëtuar drejt Italisë për të kryer një ndërhyrje kirurgjikale. Ai rrëfen se është i sëmurë dhe gjendja e tij shëndetësore është delikate.

[embedded content]

Pasagjeri shton gjithashtu se policia kishte ndërhyrë në avion dhe i ka zbritur me forcë, duke shtuar se “na trajtuan si kriminelë”.

“Isha në Itali, bëra një ndërhyrje dhe sot do të kthehesha në Shqipëri. Kam probleme shëndetësore. Tani kam ngelur në mes të katër rrugëve”. “Sollën policinë në avion, a thua se jemi kriminelë”, tha një tjetër pasagjer për BalkanWeb.

[embedded content]

Pasagjerë të tjerë rrëfyen se kanë fatkeqësi në familjet e tyre në Shqipëri dhe se duhet të fluturonin për tek të afërmit.

Në mesin e udhëtarëve të braktisur në aeroportin e Malpensës ka edhe nga ata që kishin udhëtuar në Itali për të vizituar të afërmit e tyre.

Të mitur, por edhe të moshuar e persona të sëmurë mbrëmjen e sotme do ta kalojnë në aeroportin e Milanos. Kompania ajrore “Air Albania” refuzoi t’u përgjigjej edhe pse përgjegjësia është e saj.

Në videon që sjell BaklanWeb dhe News24 dallohet qartë komunikimi skandaloz i punonjëses së Air Albania e cila pasi bën të paditurën për situatën dhe nuk mban asnjë përgjegjësi, madje me përgjigje në kufijtë e talljes, i mbyll telefonin qytetarit.

[embedded content]

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co