Ukraina ka riatdhesuar tashmë 600 fëmijë që ishin çuar ilegalisht në Rusi. Ndërkohë, ambasadori ukrainas në Holandë, Oleksandr Karasevych deklaron se ka mbi 20,000 incidente të tilla.
\
“Nëse shikojmë shkallën e krimeve të kryera, është e madhe: vetë rusët thonë se kanë deportuar 700,000 fëmijë nga territori ukrainas në territorin e tyre, por ne kemi të dhëna për rreth 20,000 raste të ngjashme dhe fatkeqësisht vetëm 600 fëmijë janë kthyer në shtëpi”, tha Karasevych.

Gjatë një fjalimi në Komisionin Ndërkombëtar për Personat e Zhdukur (ICMP), ambasadori vuri në dukje se pas dëbimit në Rusi, të rinjtë ukrainas ndryshojnë shtetësinë dhe emrin e tyre dhe jepen për birësim nga familjet vendase. “Kjo largim i paligjshëm i fëmijëve, si dhe rusifikimi i fëmijëve tanë, është pjesë e një politike gjenocidale kundër popullit tonë”, theksoi Karasevych, raporton skynews.

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co