![Izraeli pranon t’i ndalojë luftimet në Gaza që të vaksinohen fëmijët 2 izraeli pranon ti ndaloje luftimet ne gaza qe te vaksinohen femijet](https://botasot.co/wp-content/uploads/2024/08/izraeli-pranon-ti-ndaloje-luftimet-ne-gaza-qe-te-vaksinohen-femijet.webp)
Organizata Botërore e Shëndetësisë (OBSH) ka bërë me dije se ka arritur marrëveshje me autoritetet izraelite për ndërprerje të kufizuara të luftimeve në Rripin e Gazës, me qëllim që të mundësohet vaksinimi i fëmijëve kundër sëmundjes së poliomielitit.
CNN ka raportuar se fushata e vaksinimit do të zgjasë tri ditë në pjesë të caktuara të Gazës, derisa kjo u cilësua “pauzë humanitare”. Ajo do të nisë të dielën nga Gaza qendrore.
Është raportuar për një foshnje të infektuar me poliomielit. Ky është rasti i parë i konfirmuar me këtë sëmundje në 25 vjetët e fundit në Palestinë.
Pas përfundimit të fazës së parë, faza e dytë do të fillojë në jug të Izraelit ku do të ketë ndërprerje të luftimeve për tri ditë, ndërsa faza e tretë do të zhvillohet në veri të Gazës.
OBSH-ja ka bërë me dije se ndërprerjet e luftimeve do të zgjasin rreth nëntë orë në ditë.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co