![Jenna Ortega tregon se çfarë profesioni do të bënte po të mos ishte aktore 2 jenna ortega tregon se cfare profesioni do te bente po te mos ishte aktore](https://botasot.co/wp-content/uploads/2024/08/jenna-ortega-tregon-se-cfare-profesioni-do-te-bente-po-te-mos-ishte-aktore.webp)
Aktorja e njohur amerikane, Jenna Ortega, ka treguar se do të dëshironte të bëhej gazetare hulumtuese.
Ylli i filmit, kur është pyetur nga “BuzzFeed”, se çfarë pune do të bënte po të mos ishte aktore, ka thënë se e gjithë familja e saj janë në fushën e mjekësisë.
“Sigurisht do të isha ndonjë infermiere, apo diçka e tillë. Gjithashtu do të më pëlqente shumë të isha gazetare hulumtuese. Mendoj se do të ishte shumë qejf, vetëm të përkushtohesh ndaj diçkaje e të bëhesh i obsesionuar pas asaj çështje e të shkruash për të. Potencialisht do të udhëtoja nëpër botë për të folur rreth asaj çështje. Mendoj se do të ishte punë e mirë”, ka thënë ylli.
Ajo ka treguar se si do të dukej jeta e saj nëse do ta linte aktrimi.
“Çdoherë që ngopem nga aktrimi mendoj me vete ‘a dua ta bëj këtë’ a ‘nuk dua ta bëj këtë’ dhe pastaj mendoj se ‘ekziston edhe gazetaria hulumtuese’”, ka thënë tutje Jenna.
Ajo njihet më së shumti për rolin e saj në serialin “Wednesday” dhe më herët pati thënë se sheh shumë ngjashmëri në mes të karakterit që luan dhe vetes së saj në jetën e përditshme, duke thënë se ka të njëjtin sens humori.
“Që kur isha gjashtë vjeçe njerëzit më thoshin që dukesha si ajo. Përveç kësaj sensin e humorit e kam të zi”, pati thënë aktorja.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co