Kryeministri hungarez Viktor Orban ka kërkuar që Ursula von der Leyen të zëvendësohet si presidente e Komisionit Evropian, duke i përshkruar pesë vitet e mandatit të saj si “më të këqijat” në historinë e BE-së.

Ai u tha gazetarëve të dielën se tranzicioni i gjelbër i BE-së kishte shkuar kundër interesave ekonomike dhe industriale të bllokut, ndërsa paketa e saj e migracionit ishte rezultuar gjithashtu krejtësisht e pasuksesshme.

“Pesë vitet e fundit kanë qenë ndoshta pesë vitet më të këqija në historinë e BE-së. Sukseset e Komisionit Evropian dhe elitës së Brukselit janë të dobëta”, tha Orban.

BE-ja ka nevojë për udhëheqje efikase dhe ka “shumë” politikanë të talentuar “të aftë për ta bërë këtë punë”, tha kryeministri hungarez. Ai pohoi se rezultatet e zgjedhjeve të fundit të Parlamentit Evropian kanë treguar gjithashtu se njerëzit duan ndryshim në Bruksel.

Burimi informacionit @BalkanWeb: Lexo me shume ne : Bota Sot News botasot.co