Gjatë kohës së tij si CEO i Bajernit, Oliver Kahn shprehet se ka pasur shumë të bëjë me Florian Virc.
Ai beson se transferimi i talentit gjerman në Mynih mund të realizohet pa asnjë problem. Legjenda e portës gjermane u rikthye të fliste për Bajernin në “Sport1” ku u ndal mbi të gjitha te transferimi i yllit të Leverkusenit. Ai u tregua i qartë se Bajerni nuk ka asnjë problem financiar për të kryer deri në fund këtë transferim.
“Në çdo rast, nuk është aspak sekret që Bajerni, nga ana financiare mund të bëjë çfarë të dojë”, shprehet fillimisht Kahn që shpjegon se megjithatë, në rast se shpenzohen 100 milionë euro për talentin, kjo nuk do të vinte pa pasoja.
PASOJAT- “Në rast se shpenzojnë 100 milionë euro për Vircin, atëherë ata duhet të marrin parasysh se duhet të largojnë të paktën një ose dy lojtarë në mënyrë që mos të ngushtohen te buxheti i tyre. Unë edhe vetë kam pasur eksperiencë për situata të tilla ku buxheti është harruar vetëm për të afruar lojtarë që i kemi dashur. Ajo që ka rëndësi është që lojtari të blihet”.
PAGAT- “Kur ata donin që të ulnin pagat te lojtarët, më thanë mua se duhet t’i merrnin nën kontroll. Në atë moment, unë u thash që i uroja fat dhe që t’u ecte mbarë në këtë aspekt”.
PRAPASKENA- “Kur unë isha te Bajerni, ne kishim shumë kontakte me Vircin. Ai është një lojtar që i mendon me shumë kujdes hapat që hedh. Në këtë moment që jemi duke folur, atë e kërkon e gjithë bota, por unë nuk do të çuditesha nëse ai do të rinovonte sërish kontratën e tij me Leverkusenin dhe të qëndrojë. Ai është duke e bërë çdo lëvizje hap pas hapi dhe kështu po ndërton edhe karrierën. Kjo gjë tregon sa inteligjent është ai. Ai është i qartë se një gabim në zgjedhje mund t’i kushtonte shumë në karrierë”.
CILËSITË- “Ai është një lojtar shumë i zgjuar. Qëndrimi i tij në fushë, por edhe sjellja, janë të jashtëzakonshme, dhe të mendosh që ai është thjesht një djalë i ri”, tha ndër të tjera legjenda e Gjermanisë dhe Bajernit, Oliver Kan, i cili për më tepër ngriti peshë zemrat e tifozëve duke i ritur pritshmëritë për transferimin Vircit.
PANORAMASPORT.AL
