Nëse një person ka zbokth dhe sa shumë ka, mund të varet nga cilat baktere qëndrojnë në kokën e tij, sipas një studimi të ri shkencor kinez.
Studimi ndoshta hap një rrugë të re për trajtimin tashmë antibakterial të zbokthit.
Zbokthi është një çrregullim shumë i zakonshëm, që prek pothuajse gjysmën e popullsisë së botës dhe për të cilin nuk ka një kurë përfundimtare. Që nga viti 1874, një mikrobiolog francez kishte argumentuar se një kërpudhat (Malassezia) ishte përgjegjëse për zbokthin, dhe që atëherë shumë e kanë argumentuar këtë, madje pa prova bindëse.
Studimi kinez sugjeron se fajin e kanë bakteret dhe jo kërpudhat. Gjithashtu zbulon se zbokthi përkeqësohet kur njeriu rritet, me rezultat që ata mbi 40 vjeç kanë një problem më të keq se të rinjtë.
Studiuesit, të udhëhequr nga Menggui Zhang i Laboratorit të Metabolizmit Mikrobial të Shkollës së Shkencave të Jetës & Bioteknologjisë të Universitetit të Shangait Jiao Tong, bënë publikimin përkatës në revistën “Scientific Reports”.
Studimi zbuloi se zbokthi varet nga ekuilibri ose çekuilibri midis llojeve të ndryshme të baktereve në kokë. Me fjalë të tjera, problemi ndoshta lind nga disharmonia në “ekosistem” të mikroorganizmave që jetojnë në kokën e një personi, duke u ushqyer me lëkurë të vdekur dhe sekrecione të sebumit.
Studiuesit kinezë analizuan mostra nga 363 persona të moshës 18 deri në 60 vjeç, me dhe pa zbokth. Analiza gjenetike tregoi se kërpudhat Malassezia janë me të vërtetë të pranishëm në kokat e njerëzve (që përbën rreth 90% të kërpudhave), por nuk ndryshon midis atyre me dhe pa zbokth.
Anasjelltas, disa baktere, kryesisht stafilokoku, duket se janë shumë më të shpeshta tek ata me zbokth të rëndë, ndërkohë që tek këta individë është reduktuar dukshëm prania e mikroorganizmave të tjerë, si Propionibacterium, krahasuar me ato pa zbokth.
Shkencëtarët kinezë mendojnë se është e mundur që nëse ekuilibri i ekosistemit mikrobik ndryshohet artificialisht (p.sh. me shampon e duhur dhe jo me antimykotikët e sotëm) për të rritur propionbakteriumin dhe për të ulur stafilokokun, zbokthi do të ulet. Por kjo duhet të vërtetohet nga kërkimet e ardhshme.
Ndërkohë, ndoshta mund të hahet kos që përmban propionibacterium, i cili u krijua nga studiues amerikanë në vitin 2013. Ose, akoma më mirë, mund të lahet koka me kos!
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co
