![Kina mesazh SHBA-së dhe Japonisë: Mos krijoNI armiq imagjinarë 2 kina mesazh shba se dhe japonise mos krijoni armiq imagjinare](https://botasot.co/wp-content/uploads/2024/07/kina-mesazh-shba-se-dhe-japonise-mos-krijoni-armiq-imagjinare.jpg)
Pekini ka paralajmëruar të hënën Shtetet e Bashkuara dhe Japoninë “të mos krijojnë armiq imagjinarë”, pasi shtetet kanë kritikuar veprimet e Kinës në Detin e Kinës Jugore, në bisedimet e mbajtura në Tokio gjatë fundjavës.
“Ne u bëjmë thirrje Shteteve të Bashkuara dhe Japonisë që të mos ndërhyjnë në punët e brendshme të Kinës dhe të mos krijojnë armiq imagjinarë”, ka thënë zëdhënësi i Ministrisë së Jashtme të Kinës, Lin Jian.
Pas bisedimeve të mbajtura të dielën në kryeqytetin japonez, SHBA-ja dhe vende tjera kanë kritikuar “veprimet destabilizuese” të Pekinit në Detin e Kinës Jugore, derisa kanë dënuar edhe rritjen e bashkëpunimit të Rusisë me Kinën dhe Korenë e Veriut.
Sekretari amerikan i Shtetit, Antony Blinken, Sekretari amerikan i Mbrojtjes, Lloyd Austin dhe homologët japonezë, kanë ripërsëritur “kundërshtimet ndaj pretendimeve të paligjshme të Kinës në det, dhe veprimet provokative e kërcënuese në Detin e Kinës Jugore”, është thënë në deklaratën e përbashkët.
Autoritetet kineze kanë thënë të hënën se në deklaratën e përbashkët është përzier e mira me të keqen dhe sulmohet politika e Jashtme kineze.
Lin ka thënë se Kina hedh poshtë të gjitha pretendimet e bëra në deklaratë.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co