![Kishin zënë hapësirën bregdetare në Gjipe me 175 çadra dhe shezlongë të vënë pa leje, procedohen 2 shtetas 2 kishin zene hapesiren bregdetare ne gjipe me 175 cadra dhe shezlonge te vene pa leje procedohen 2 shtetas](https://botasot.co/wp-content/uploads/2024/08/kishin-zene-hapesiren-bregdetare-ne-gjipe-me-175-cadra-dhe-shezlonge-te-vene-pa-leje-procedohen-2-shtetas.jpg)
Policia në Himarë njofton se ka proceduar penalisht dy shtetas. Këta persona kishin zënë hapësirën bregdetare në Gjipe, duke vendosur 175 çadra dhe shezlongë pa leje.
“Himarë/Kontrolle të përditshme në të gjithë vijën bregdetare të qarkut, në zbatim të masave të planit operacional “Plazh i lirë”.
Kishin zënë hapësirë bregdetare në Gjipe, me 175 çadra dhe shezlongë të vënë pa leje, procedohen penalisht 2 shtetas.
Sekuestrohen çadrat dhe shezlongët.
[embedded content]
Pas kontrolleve dhe verifikimeve të kryera nga Stacioni i Policisë Dhërmi, në bashkëpunim me bashkinë Himarë, Agjencinë Kombëtare të Bregdetit dhe me Agjencinë e Zonave të Mbrojtura, është konstatuar se 2 shtetas kishin zënë hapësirë bregdetare në Gjipe, me 175 çadra dhe shezlongë të vënë pa leje.
Në përfundim të veprimeve procedurale për këto raste janë referuar materialet në Prokurori, ku ka nisur procedimi në gjendje të lirë për 2 shtetasit, konkretisht A. Z dhe B. Sh.. Gjithashtu, pas sekuestrimit të çadrave dhe shezlongëve, është liruar hapësira bregdetare e zënë në kundërshtim me ligjin.
Kontrollet dhe verifikimet në kuadër të planit operacional “Plazh i lirë”, vijojnë”, njofton policia.
(Balkanweb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co