![Kohë rekordesh, Tedi Cara në gjurmët e legjendës bardheblu 2 kohe rekordesh tedi cara ne gjurmet e legjendes bardheblu](https://botasot.co/wp-content/uploads/2024/07/kohe-rekordesh-tedi-cara-ne-gjurmet-e-legjendes-bardheblu.jpg)
Tedi Cara falë aftësive të tij dhe viteve që numëron te Partizani ka arritur të “shkërmoqë” thuajse çdo rekord të pas viteve 2000.
Kavajasi vijon të jetë i kuq dhe të ndjekë rekorde të tjera, që në këtë rast nuk mbeten vetëm në kufijtë e klubit të Partizanit. Kavajasi shpërtheu vjet në Europë, duke e çuar në plot 8 gola rekordin e tij në ndeshjet ndërkombëtare. Sulmuesi me këtë shifër ka mbërthyer tashmë rekordin si shënuesi më i mirë i historisë së Partizanit në Europë, teksa tashmë ka shënjestruar një legjendë bardheblu, Indrit Fortuzin.
Ky i fundit numëron 10 gola në arenat europiane si pjesë e klubeve shqiptare dhe mban rekordin si shënuesi më i mirë i skuadrave të Superiores në kompeticionet europiane. Që në ndeshjen e sotme kundër Marsakslok, kavajasi do të përpiqet të ndihmojë ekipin me gola, por edhe të arrijë një legjendë si “Zogu”.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co