Ish-sulmuesi i Milanit, Karlos Baka ka folur për “La Gazzetta dello Sport” në prag të gjysmëfinales së Superkupës së Italisë, mes Juves dhe Milanit.
“Ky është ndoshta kujtimi më i mirë i përvojës sime te kuqezinjtë. Kemi bërë një ndeshje të shkëlqyer ndaj një kundërshtari të fortë dhe ia dolëm ta mposhtim duke treguar zemër të madhe. Sonte do të jetë një ndeshje e vështirë sepse skuadra e Motas është e ashpër dhe nuk ka humbur kurrë në kampionat. Do të duhet një paraqitje e mirë, por jam i bindur se Milani mund të arrijë në finale”.
Jeni të zhgënjyer nga kampionati i luajtur nga Milani deri tani?
“Nëse rezultatet nuk arrijnë në Milano, është e pashmangshme që menaxhmenti të ndryshojë trajner. Është pjesë e lojës. Konseiso sjell një ide të re të futbollit që shpresojmë të jetë i suksesshëm dhe të rinis Milanin në garën për kualifikimin në Champions. Klubi më i madh në Itali duhet të ketë gjithmonë objektivin të luftojë për titullin dhe të marrë pjesë në Champions”.
Jeni penduar se si shkoi aventura juaj me kuqezinjtë?
“Jo. Brenda meje kam vetëm krenarinë që kam veshur fanellën e një prej klubeve më të rëndësishme në botë. Jam i sigurt që kam dhënë maksimumin. Nga bashkëlojtarët e mi në atë kohë unë ende ndihem si Kalabria, Donaruma, Lokateli dhe Kutrone. Ata ishin shoqërues dhe njerëz fantastikë. I uroj Milanit më të mirën”, përfundoi ai.
PANORAMASPORT.AL
